Eskwela

Mga Anak mag Aral ng Mabuti sa Eskwelahan
Tanging Kayamanang ito, ang aming Mabibigay
Kailaman di mananakaw ninoman
Isa Puso ang bawat turo ng inyong Maestro,Maestra

Maging mabait sa lahat ng iyong Makakasalamuha
Pundasyun niyo ito hanggang sa Pagtanda
Balang araw ang lahat ng Natutunan
Sarili niyo rin, ang Magmamana

Mga anak Respetuhin ang Kapwa
Ugaling ito sa sarili wag iwala
Magulang at Nakakatanda
Mahalin,Igalang wag isabahala

Wag gayahin ang inyong “PAPA”
Pambabayabas ang Inuna
Heto ngayon malayo’t nag iisa
Nagtitiis di kayo Makita
Upang kayo'y makapagtapos
sa inyong pag “ESKWELA”

Parang kailang lang akay-akay pa namin ng Luvs ko si "Ate Issa"kay bilis talaga ng panahon di lang alintana, heto na may dalaginding na ako. Grade III na ang aking Panganay,pumapasok din siya sa aking Alma Mater.sabi ng luvs ko matindi na daw ang kompetisyun sa kanilang section lalo't nat section 1, buti na lang di nag mana sa akin na Last Section, Last Row, Last Sit hehehe..at kasama ang mga pasaway "linis" group.

Kahit matindi ang kanilang ang mga leskyon at competition, ganito na ba ngayon?... sabi ko naman sa Luvs ko wag lang i pressure sa pag-aaral gusto ko lang naman ma enjoy niya ang kanyang murang kaiisipan.susulitin ang buhay ng isang musmus pa lamang....wala na ring sasarap pa sa buhay ng elementarya...diba?

Ito naman ang aking Bunso si "Maymay" Dumadalaginding na rin hehe anim na buwan palang siya nong akoy lumisan at mangibang bansa, ngayon heto na estudyante na rin.hayzz bilis talaga ng panahon eh no?(di na ikaila nagkaka edad na si Bomzz lolz). Nong una ko siyang sinabihan na kailangan na niyang pumasok sa paaralan nitong pasukan. "Papayag lang siyang mag aral basta mag drawing lang daw sila ni teacher niya "drawing lang ng drawing ang gusto. abay nagbigay agad ng kundisyun hehe.ngunit kabaliktaran ito kahapon unang pasok niya sa school. 9:30 palang ang pasok abay alas siete pa lang ng umaga sabi ng luvs ko gising na.at maagang naligo sobrang daw siyang excited. di daw siyang pedeng malate sa school magagalit si Teacher.katuwa naman isipin bata pa lang alam na, na di pedeng sundin ang Filipino Time hehe.(uli di nag mamanasa sa Papa na kilangan pang suhulan ng peso at buhusan ng tubig para lang maligo. lolz..)

Isa ako sa mga libo-libong O-ip-Dobolyo na mimiss ang ganitong yugto sa buhay ng isang magulang , Na maalpasan ang kaligayang dulot ng paghatid at sundo sa mga anak.kaligayang pag hahanda ng kanilang babaonin.kaligayang pagtuturo sa kanilang mag takdang aralin.malungkot man itong isipin pilit palitan ito ng kasiyan, kasiyahang napag aral sila sa maayos na paaralan at mabigyan sila ng magandang kinabukasan, ang tanging magagawa lang ay gabayan. gabay ng salita at pagmamahal.Ganunpaman Masaya na rin akong nakita ko silang masaya.

Kudos!! to all O-ip-Dobolyo..

Maraming salamat din sa aking may bahay sa pag kuha ng mga pictures isa itong memorable na araw sa atin bilang magulang at sa ating mga anak sa kanilang unang hakbang tungo sa kanilang magandang kinabukasan.kaya mga anak mag-aral ng mabuti sa Eskwela.

Salamat

Bomzz